Коми-пермяцкая литература, 8 класс

Программалöн пыртöс
Коми-пермяцкöй литература сьöрті öння программа лöсьöтöм Федеральнöй государственнöй образовательнöй стандарт требованнёэз
сьöрті да основнöй общöй образованнёлöн примернöй программаись литература предмет сьöрті. Сідзжӧ сія юӧртчӧ основнӧй ӧтласа
образованнё понда велӧтчиссезлiсь пыр колана кужӧммез (УУД) зорӧтан программа дынӧ да начальнӧй школаын коми-пермяцкӧй литература
велӧтан программа дынӧ – зорӧтӧ одзлань коми-пермяцкӧй литература да литература теория материал, кӧдӧн велӧтчиссез невна тӧдсасисӧ
начальнӧй школаын. 5–9 классэз понда программа сідзжö йитӧм велӧтчиссезлӧн психологическöй да возрастнöй ассямаӧн. Велöтсьöны
произведеннёэз, кöдна вежöртанаöсь велöтчиссез понда содержаннё сьöртi, асланыс идейно-тематическöй да художественнöй ладорсянь.
Основнӧй ӧтласа образованнёись моггез судзӧтӧмын литература предметлӧн пай
Литература – гуманитарнӧй предметтэз коласісь ӧтiк предмет, кӧда отсалӧ зорӧтны да быдтыны бытшӧм, ыджыт сьӧлӧма рам мортӧс,
ассис чужанін радейтісьӧс да зорӧтісь-дорйисьӧс. Литература мыччалö олансö образнöя, быд ладорсянь, сыкöт тöдсасьöмыс чужтö пыдын
думаэз, бур чувствоэз да стремленнёэз. Кыдз учебнöй предмет сiя лоö вына воспитательнöй средствоöн, отсалö буржыка вежöртны олан,
зорöтны челядьын художественнöй вкус. Литература велöтӧмын сулалöны ыджыт моггез.
Öткö, велöтiкö колö чужтыны велöтчиссезын быдкодь бытшöм, вына чувствоэз. Эстöн бура отсалö выразительнöя, сьöлöмсянь лыддьöтöм,
художественнöй произведеннёэз кыв вылын удж.
Мöдкö, художественнöй произведеннёлiсь идейно-тематическöй содержаннё осьтiкö колö тӧдсӧтны челядьöс ас народкӧт, сы история да
культураӧн, зорöтны велöтчиссезын морт мывкыдiсь медколана чертаэз: горт, родвуж, роднöй му дынö радейтöм; отир дынö, удж дынö бур
отношеннё; мир вылö, олан вылö пыдына да паськыта видзöтöм.
Куимöткö, художественнöй литература велöтiкö колö зорöтны челядьлiсь сёрни, художественнöй вкус, творческöй способносттез, сетны нылö
эстетическöй вежöртас.
Нёльӧткӧ, литература уроккез коста колӧ велӧтны челядьӧс кужны бӧрйыны литературнӧй произведеннё, медбы бытшӧмжыка
вежӧртны сійӧ, а эта понда буржыка тӧдны теоретическӧй вежӧртассэз.
Велӧтан предметлӧн ӧтласа характеристика
/ Общая характеристика учебного предмета/
Коми-пермяцкӧй литература кыдз предмет зэлыта йитӧм коми-пермяцкӧй кыв велӧтӧмкӧт, сёрни зорӧтӧмкӧт. Литература зорӧтӧ рам
да юра мортӧс. Сійӧн произведеннёэз бӧрйӧмӧсь сідз, медбы быд классын вӧлісӧ челядьлӧ вежӧртанаӧсь ны возраст сьӧрті.
Программа сьӧрті быд класс понда материал янсӧтӧм сэтшӧм торрез вылӧ:
Коми-пермяцкӧй устнӧй народнӧй творчество (фольклор).
Коми-пермяцкӧй художественнӧй литература.
Финно-угорскӧй литератураэзісь произведеннёэз.
Программаын быд классын 1 час сетöм вводнöй уроккез вылö. Программа пыдына тöдсöтö фольклорöн. Фольклор, мöднёж устнöй народнöй
творчество, отсалö тöдмавны роднöй литературалiсь пондӧтчӧм, паськыта мыччалö отирлiсь история да олан: фольклорнöй произведеннёэз
интереснöйöсь асланыс содержаннё да кыв сьöртi.

Главнöй предметöн, кöда йылiсь программаын мунö басни, лоö художественнöй литература. 8 класс понда программаö пырöны торья
произведеннёэз, гижиссезлӧн дженыт биографияэз нето ныись торрез, литература теория сьöртi вежöртассэз. Произведеннёэз торйöтöмӧсь
велöтöм да гортся лыддьöтöм понда.
8 классын – историко-литературнöй да жанровöй принциппез сьöртi.
Коми-пермяцкöй литература историяись босьтӧмӧсь буржык произведеннёэз, а сiдзжö программаас пыртӧмӧсь мöдiк финно-угорскöй
литератураэзісь мукöд произведеннёэз.
Бöрйöм произведеннёэз тöдсöтöны челядьöс коми отирлöн кöркöся да öння оланöн, отсалöны зорöтны роднöй край дынö интерес да радейтöм,
осьтöны быдкодь темаэз: 8 классын одзжыкся олан, отирлöн удж, челядь кад, роднöй крайлöн вӧр-ва да сы дынö отношеннё, животнöйез
йылiсь, мам, семья, комиэз оланын ассямаыс, челядь понда сатирическöй кывбуррез, 8 класс понда уна произведеннёэз босьтöмӧсь öння кадся
литератураись. Литература уроккез вылын велöтiсь туйдöтö челядьöс адззыны произведеннёын авторскöй позиция, сетны произведеннёлö
дон, вежöртны сыись ассямасӧ. Колö, медбы велöтчиссез кужисö гижӧт (произведеннё) йылiсь бура, сöстöма висьтасьны, медбы лыддьöтöмыс
вылӧ нылӧн шыасис сьӧлӧм, аркмис асланыс дзар.
Велöтiсь сiдзжö мыччалö, что коми-пермяцкöй литература лоö уна национальностя литературалöн колана торӧн.
«Литература» предмет велӧтікӧ результаттэз
Личностнӧй результаттэз:
- велӧтчисьлісь, личностьлісь духовно-нравственнӧй качествоэз зорӧтӧм, уна национальностя чужанін дынӧ да мӧдік отиррез культура дынӧ
радейтӧм зорӧтӧм;
- велӧтчӧмын вильсӧ тӧдікӧ быдкодь источниккезӧн (словаррез, энциклопедияэз, интернет) уджалӧм (используйтӧм).
Метапредметнӧй результаттэз (предметтэз коласся)
- лэбтыны проблема, сувтӧтны гипотеза кужӧм, ассит позиция доказывайтікӧ аргументтэз адззӧм, устнӧй да письменнӧй сёрниын причинноследственнӧй йитӧттэз адззӧм, выводдэз керны кужӧм;
- ӧткӧн ассит велӧтчан удж организуйтӧм, сійӧ донтны кужӧм, ассит интерессэзісь кытш адззыны кужӧм (вежӧртны, мый тэныт интересно);
- быдкодь источниккезісь информация адззыны кужӧм, сійӧ анализируйтӧм да используйтӧм.
Предметнӧй результаттэз
Познавательнӧй сфераын:
- коми-пермяцкӧй литератураись да фольклорись, сідзжӧ финно-угорскӧй литератураэзісь произведеннёэзын ключевӧй проблемаэз адззӧм;
- литературнӧй произведеннёэз да кад коласісь, кӧр нія гижӧмӧсь, йитӧттэз адззӧм, произведеннёэзын пырся дон адззӧм, нылісь ӧння
шыасьӧм, ӧння кадкӧт йитны кужӧм;
- литературнӧй произведеннё бӧрйыны кужӧм: литературнӧй род да жанр тӧдӧм, тема да идея адззӧм, произведеннёись нравственнӧй пафос,
геройезлісь характер аддзӧм; ӧтік или кынымкӧ произведеннёись геройезӧс ӧтамӧд сьӧрті – мыйӧн вачкисьӧны, мыйӧн не ӧткодьӧсь –
видзӧтӧм (ордчӧтӧм);
- сюжетісь элементтэз, тэчас (композиция), изобразительно-выразительнӧй кыв средствоэз тӧдӧм, произведеннёись идейно-художественнӧй
содержаннё осьтӧмын нылісь роль адззӧм (филологическӧй анализісь элементтэз);

- литературнӧй произведеннё бӧрйикӧ литературнӧй терминнэз пыртны кужӧм.
Ценностно-ориентационнӧй сфераын:
- коми-пермяцкӧй литератураись да культураись духовно-нравственнӧй ценносттез дынӧ интерес зорӧтӧм, мӧдік отиррезлӧн культураэз сьӧрті
– мый ӧтласа, мый неӧткодь – сы вылӧ видзӧтӧм (ордчӧтӧм);
- коми-пермяцкӧй литератураись произведеннёэз дынӧ ассит отношеннё мыччавны (сёрни пырйӧт) кужӧм, нылӧ дон сетны кужӧм;
- велӧтӧм литературнӧй произведеннёэз (мукӧдпырся) асмозӧн (не сідз, кыдз быдӧнныс) дон сетӧм;
- авторлісь позиция вежӧртӧм, аслат отношеннё сы дынӧ.
Коммуникативнӧй сфераын:
- не ӧткодь жанра произведеннёэз кывзікӧ нійӧ вежӧртӧм, ассит чувствоэз мыччалӧмӧн нійӧ лыддьӧтӧм;
- прозаическӧй произведеннёэз или ныись торрез образнӧй кылӧн висьтасьны кужӧм, лыддьӧтӧм текст сьӧрті очакыв видзны кужӧм (ответ
сетны кужӧм), быдкодь устнӧй сёрни (монолог) аркмӧтны кужӧм; кык морт коласын серни нуӧтны кужӧм (диалог);
- велӧтӧм произведеннёэзлӧн тематика да проблематика сьӧрті сочиненнёэз да изложеннёэз гижны кужӧм, классын да гортын творческӧй
удж, литература да ӧтласа культура темаа рефераттэз гижӧм.
Эстетическӧй сфераын:
- литература кыдз кыв искусство вежӧртӧм, литературнӧй произведеннёэз эстетическӧя (сьӧлӧмсянь) примитӧм;
- кывлісь эстетическӧй функция да, художественнӧй образзэз аркмӧтікӧ, сылісь роль вежӧртӧм.
Литература уроккез вылын сёрни зорöтöм сьöртi удж
Литература велöтöм отсалö зорöтны челядьлiсь устнöй да письменнöй сёрни. Сёрни зорöтан уджыс мунö быд урок вылын. Эта понда
сетсьöны и торья чассэз. Медперво колö вынсьöтны сознательнöя да выразительнöя лыддьöтан навыккез. Велöтiсь видзöтö, медбы лыддьöтiкö
челядьлöн вöлi ятнöя шуöм, медбы нiя кужисö янсöтны предложеннёэзын, текстын логическöй удареннёа кыв, керисö паузаэз, лыддьöтiсö
колана интонацияöн. Абу умöль ошкыны быднёж челядьлiсь эмоциональнöя лыддьöтöм – сiя отсалö пыдынжыка вежöртны литературнöй
произведеннёлiсь содержаннё.
Литература уроккез оз туй чулöтны словарнöй уджтöг. Осьтны кывлiсь значеннё, мыччавны, кыдз сiя вежсис кад сьöрна, кыдз
кужöмöн сiйöн пользуйтчöны гижиссез – ыджыт да важнöй мог, кöда сулалö быд литература урок одзын. Литература уроккез вылын позьö
паськыта тöдсöтны челядьöс роднöй кывлöн фразеологическöй богатствоöн да быдкодь изобразительнöй средствоэзöн.
Медперво литература велöтiкö велöтчиссезлöн зорамö монологическöй сёрни. Этаö туйдöтö произведеннё текст вылын быдкодь удж: текстсö
торрез вылö янсöтöм, быдкодь планнэз лöсьöтöм, текстлiсь содержаннё висьтасьöм, изобразительнöй средствоэз адззöм и с.о.
Сёрни зорöтöмын отсалö сiдзжö изложеннёэз да сочиненнёэз вылын удж. Нiя öддьöнжыксö чулöтсьöны литературнöй произведеннёэз
сьöртi. Мукöд коста сочиненнёэз понда сетсьöны и свободнöй темаэз. Творческöй уджжез керикö челядь велалöны анализируйтны
литературнöй произведеннё, сетны сылö дон любöй формаын (аннотация, рецензия, отзыв), пользуйтчыны мöдiк литератураöн, компьютерöн
(лöсьöтны презентацияэз сетöм тема сьöртi, исследовательскöй уджжез и с. о.) Вежöртана, что быдöс эта уджын уна зависитö велöтiссянь: сiя
тöдö класс да сылiсь возможносттез, ачыс бöрйö колана материал, асмозöн чулöтö сёрни зорöтан уроккез.

Литература теория сьöртi вежӧртассэз вылын удж
Литература теория сьöртi основнöй вежöртассэз сетсьöны произведеннёэз велöтiкö. Нiя отсалöны вежöртны произведеннёлiсь
содержаннё да художественнöй ладорлiсь ассямасӧ. Программаын висьталöм, кытшöм теоретико-литературнöй вежöртассэз колö сетны быд
классын. Мукöд сведеннёэз классiсь классö повторяйтчöны, сетсьöны паськытжыка да пыдынжыка.
8 классын велöтсьöны то кытшöм сведеннёэз:
- устнöй народнöй творчество да художественнöй литература йылiсь вежöртас;
- произведеннёлöн тема, шӧр дума, автор;
- произведеннёлöн тэчас, сюжет;
- прозаическöй да стихотворнöй сёрни;
- литературнöй герой, художественнöй образ;
- поэтическöй кыв: сравненнё, эпитет, метафора, олицетвореннё, аллегория, ритм, рифма;
- стихотворнöй размер;
- литературалöн роддэз да жанррез: эпос (висьт, басня, очерк, повесть, роман), лирика (кывбур, сонет, ода, сьыланкыв, элегия, поэма), драма
(комедия, трагедия, драма);
- произведеннёлöн основнöй компоненттэз: повествованнё, портрет, пейзаж, интерьер, характеристика, диалог;
- литература кыдз искусство;
- художественнöй литературалöн кыв;
- гижисьлöн кыв йылiсь вежöртас;
- художественнöй перевод йылiсь вежöртас.
Кöр велöтчиссез бура тöдöны да вежöртöны литература сьöртi теория, нiя кужöмöн анализируйтöны быд произведеннё, нылö абу сьöкыт
сетны дон гижисьлöн творчестволö.
Литература да мöдiк предметтэз коласын йитсьöм
Коми-пермяцкöй литература велöтöмыс топыта йитсьö роднöй кыв велöтöмкöт: литература уроккез коста мунö произведеннё кыв вылын
ыджыт удж.
Роднöй литература велöтöмын отсалас и роч литература велöтöм, роч литератураись босьтöмöсь быдöс литературоведческöй терминнэз.
Литература уроккез вылын коланаöсь мукöд историческöй да географическöй сведеннёэз – нiйö велöтiсьлö колö кужны адззыны да пыртны
уроккезö. Литература уроккез сьöкыт чулöтны изобразительнöй искусство произведеннёэзтöг, а сiдзжö музыкальнöй произведеннёэзтöг. Энö
произведеннёэсö велöтiсь босьтö сы понда, медбы нiя отсалісӧ буржыка осьтны литературнöй произведеннёлiсь содержаннё.
Гортся лыддьöтöм
Программа тшӧктӧ велöтiсьöс бытшöма туйдӧтны гортся лыддьöтöм дынӧ. Гортся лыддьöтöм да бöрйöм понда сетöмöсь торья
произведеннёэз да чассэз.
Велöтiсьлö колö тöдны, кыдз и мый лыддьöтны челядьлö, йитны гортся лыддьöтöмсö роднöй литература сьöртi внекласснöй уджкöт. Оз ков
ордйыны и виль произведеннёэз, кöдна петöны годiсь годö, но озö на пырö программаö.

класс (34 час)

Пыртас (1час)
Литература кыдз кыв искусство.

Народнӧй эпос (3 час)
1. Коми-пермяккезлӧн эпос. Коми-пермяккезлӧн чудь йылiсь эпосiсь. Чудляна. Кыдз шогмӧм Камскӧй му. Медодзза отир.
2. Пера-богатырь йылiсь эпос.
(Кыдз Пера да Мизя олӧмась Лупья ю дорын. Пера-богатырь да Вакуль. Кыдз Пера отсалӧма роч войсколӧ вермыны идолищеӧс. Кыдз Пера
пессьӧма граф Строгановкӧт).
Пера-богатырь – коми-пермяккезлӧн национальнӧй герой. Пера – уджалiсь морт, бур вӧралiсь да чери кыйись, аслас отирлӧн отсалiсь да
дорйись. Мизя – Пералӧн вон-богатырь.
3. Удмурттэзлöн эпос йылiсь
Кузебай Герд. Кымöррез
Финнэз да кареллэзлöн эпос йылiсь
«Калевала» эпопея

Художественнöй литература ( 26 час)
1. М. П. Лихачёв. Виль туйöт. Повесть (4 час)
1. «Виль туйöт» – коми-пермяцкöй деревняын колхоззэз панöм йылiсь повесть.
2. Рыжык – том, вына морт, кöда олö бы виль оланöн, аркмöтö бы колхоз. Рыжыклöн ай – важ олан дорйись.
3. Ай да зон коласын пессьöм – кадлöн трагедия.
4. Вöр-валöн серпассэз. Повестьлöн кыв. Литература теория. Повесть йылiсь вежöртас.
2. И. А. Минин. Паныт уйис тöлiсь. (4 час)
1. «Паныт уйис тöлiсь» повестьлöн сюжет. Великöй Отечественнöй война коста коми-пермяккезлöн фронт понда уджын вöвлытöм подвиг.
2. Степанко – медшöр герой.
3. Степанколöн образ, сылöн бур мывкыд, семья понда тöждiсьöм, семьялö отсöт, победа матынсьöтöм понда сьöкыт удж.
4. Повестьын вӧр-валӧн серпассэз. Литература теория. Лирическӧй проза.
3.С.А. Федосеев. Кусöм биэз. Повесть (4 час)
1. «Кусöм биэз» повестьын коми-пермяцкöй деревнялӧн олан.
2. Удж – морт оланын медколана тор. Семьялöн да деревнялöн проблемаэз.
3. Ульян баб, Степан, Митрей да мöдiк образзэз.
4. Повестьын отир оланын пыдынiн, пырся проблемаэз.
4.Л. Е. Нилогов. Ош вийиссез. Висьт (1час)

1. Висьтын отирлӧн войнабӧрся олан. Челядьлӧн аймам понда тӧждӧм.
5. В. В. Климов. Дявпу. (2 час).
1. «Дявпу» – народнöй поверьё основа вылын гижöм висьт. Сы нимлöн смысл. Дявпу – быдöс умöльлöн, мый эм мортын, образ.
2. Öгап Онтонлöн судьба, дявпу – сылöн орт (двойник). Литература теория. Фольклорнӧй да художественнӧй литература. Художественнӧй
литератураын фольклорнӧй пассэз.
6.Л. Старцева. Дона менам рукописсез. Вöлi бы ме художникöн. (1час)
Литература теория. Эссе йылiсь вежӧртас.
Практикум. Литературнӧй тема вылӧ сочиненнё-эссе.
7.Лирика (3 час)
Сонет.
1. Л. Никитин. Зорам, роднӧй литература (сонет). А. Истомина поэзияын философскӧй лирика. Литература теория. Сонет йылiсь
вежӧртас.
2. Лирика темаэз сьӧртi классифицируйтӧм:. Л. Гуляева поэзияын любовнӧй лирика. Г.Бачева поэзияын пейзажнӧй лирика.
3. В. Климов поэзияын гражданскӧй лирика. Литература теория. Лирическӧй кывбурын сюжет, композиция. Лирикаын не веськыт
вежӧртаса изобразительно-выразительнӧй средствоэз.
Драма ( 3 час)
С. А. Можаев. Гажтöм говк.
1. С. Можаев – драматург. Сылöн олан туй да творчество. «Гажтöм говк» –драма, кытöн мыччассьö ХХвек пондöтчикö сьöкыт олан да сыкöт
пессьöм.
2. Драмаын конфликт.
3. Главнöй геройез – Наста да Игнат – трагическöй геройез, кöдналöн олан понда пессьӧмын кусö олан. Литература теория. Драма кыдз
литературнӧй род. Практикум. Литературнӧй произведеннёын интерьер бӧрйӧм.
В. Климов. Кӧк синва. ( 1час)
1. Художественнӧй произведеннёын фольклорлӧн пассэз.
Практикум. Литературнӧй произведеннёын эпиграф.
Ф. С. Истомин. Уна поэтическöй жанрреза гижись ( 3 час)
1. «Борда Кӧин» поэмалӧн сюжет. Поэмаын историяись пассэз.
2. «Борда Кӧин» поэмаись медшӧр геройез.
3. Коллективизация вылӧ геройезлӧн неӧткодь дзарньӧв. Практикум. Литературнӧй произведеннёись проблематика бӧрйӧм.
Внекласснӧй лыддьӧтӧм (4 час)
1. Финно-угорскӧй эпос да этнокультурнӧй темаэз сьӧртi проекттэз дорйӧм.
2. Орӧтӧм пуляӧн строка (И. Гагарин, А. Аникин да мӧдiк гижиссез творчество сьӧртi).
3. Оланын быдкодь рӧма пассэз (Е. Павлова. Танька).

4. Медбӧрья воӧ печатайтӧм произведеннёэзӧн тӧдсасьӧм.
Велӧтчан во помын проверочнӧй удж ( 1 час)
Сёрни зорӧтан уроккез чулӧтӧм понда темаэз
1. Презентция лӧсьӧтӧм (В. Климов – гижись, фольклорист).
2. Ордчӧтны серпас и художественнӧй произведеннё (В. Оньков «Кудым вашӧтӧ кортӧм гӧссезӧс» и «Кыдз Пера пессис идолищекӧт» преданнё),
ныись шӧр геройезӧс.
3. Исследовательскӧй уджжез («Победа дорӧмӧ челядьлӧн пай», «Миян сельсовет территория вылiсь ӧшӧм деревняэз» и мӧдiккез).
4. Лӧсьӧтны буклет «Кудым-Ош да Пера-богатырь йылiсь преданнёэз».
5. Гижны очерк «М. П. Лихачёв».
6. Лӧсьӧтны произведеннёись герой йылiсь висьт.
7. Лӧсьӧтны пода нимсянь(Сырчик нимсянь) висьт «Лобан деревнясянь Кудымкарӧдз менам сьӧкыт туй».
8. Произведеннё велӧтӧм бӧрын сочиненнё.
9. Кык висьтiсь главнӧй геройезӧс ордчӧтӧм (Македон В. Климовлӧн «Македон» висьтiсь да Онтон В. Климовлӧн «Дявпу» висьтiсь).
10. Лӧсьӧтны литературнӧй герой или автор дынӧ юасьӧммез интервью понда.
11. Сочиненнё-эссе «Аймамӧс радейтӧм йылiсь небӧг» тема вылӧ.
12. Лӧсьӧтны висьт «Литературнӧй геройлӧн керку пытшк» тема вылӧ.
Велӧтны наизусть
1. Л. Никитин. Зорам, роднӧй литература (I тор)
2. В. Климов. Кытчӧ?
3. Л. Гуляева да Г. Бачева творчествоись гленитчана кывбур.
4. А. Истомина. Шогмӧм. Кулӧм.
8 классын велӧтчиссезлӧ колӧ тӧдны:
– велӧтӧм произведеннёэзлiсь содержаннё, сюжет, тэчас, образзэз, торья геройез дынӧ авторлiсь отношеннё;
– литература теория сьӧртi: повесть йылiсь вежӧртас, лирическӧй проза, фольклорнӧй да художественнӧй литература, эссе йылiсь вежӧртас,
сонет, драма кыдз литературнӧй жанррез;
– литературнӧй критиккезӧс да ны статьяэз сьöртi литература вылӧ дзар;
– велӧтӧм произведеннёэзiсь шӧр геройезӧс да нылiсь мывкыд.
8 классын велöтчиссезлö колӧ кужны:
– адззыны велӧтӧм произведеннёись колана тор да сылiсь роль;
– сетны характеристика геройлӧ, мыччавны сы дынӧ авторлiсь, критиклiсь да ассиныт дзар;
– янсӧтны эпическӧй, лирическӧй да драматическӧй произведеннё;
– тӧдмавны текстiсь изобразительно-выразительнӧй средствоэз да нылiсь роль;
– колана темпӧн лыддьӧтны художественнӧй, публицистическӧй, научно-популярнӧй текст (1мин. – 140кыв);

– висьтасьны устнӧя и письменнӧя (подробнӧя, бӧрйӧмӧн и джендӧтӧмӧн) велӧтӧм произведеннёэз либо ныись торрез;
– гижны велӧтӧм произведеннёись геройлӧ характеристика;
– лӧсьӧтны текст дынӧ план;
– самостоятельнӧя лыддьӧтӧм произведеннёлӧ сетны отзыв.

Календарно-тематическöй планированнё (34 час)
№ п Уроккезлöн темаэз
/п

Часс
эз

Уроклöн тип

Виль материал

Урок дынö требованнёэз

Литература кыдз кыв искусство.
1

Литература кыдз кыв
искусство.

Висьтасьны статьялiсь пытшкӧс.
Вайӧтны примеррез оланiсь и
литературнӧй произведеннёэзiсь
сетӧм тема вылӧ.

Коми-пермяккезлӧн эпос.
Чудь йылiсь эпосiсь.
Чудляна. Кыдз шогмӧм
Камскӧй му. Медодзза
отир
Пера-богатырь
йылiсь 1
эпос.

Комбинированнöй урок

Удмурттэзлӧн
чудь 1
йылiсь эпос. Финнэзлӧн
да
кареллэзлӧн
эпос
йылiсь.

Комбинированнöй урок

Народнӧй эпос.

Комбинированнöй урок

Познавательнӧй:
1.Сетны характеристика геройлӧ,
мыччавны сы дынӧ авторлiсь,
критиклiсь да ассиныс дзар.
2.Петкӧтны эпическӧй,
лирическӧй да драматическӧй
произведеннёлiсь ассямасӧ.
3. Тӧдмавны текстiсь
изобразительно-выразительнӧй
средствоэз да нылiсь роль.
4. Лӧсьӧтны текст дынӧ сложнӧй
план.
5. Самостоятельнӧя лыддьӧтӧм
произведеннёлӧ сетны отзыв.

Художественнӧй литература
5

М. П. Лихачёв кыдз 1
гижись. «Виль туйӧт» –
коми-пермяцкӧй

Комбинированнöй урок

Лӧсьӧтны М. П. Лихачёв йылiсь
очерк.

Гортся удж

Урок
чулöтöм

деревняын
колхоззэз
панӧм йылiсь повесть.
Рыжык – том, вына морт, 1
виль олан понда пессись.
Ай да зон коласын 1
пессьӧм.

Комбинированнöй урок

Повестьлӧн кыв. Вӧрвалӧн серпассэз.

Комбинированнöй урок

И.А.Минин «Паныт уйис 1
тӧлiсь.»
Великӧй Отечественнӧй
война коста комипермяккезлӧн фронт
понда уджын вӧвлытӧм
подвиг.

Комбинированнöй урок

Степанко – повестись
медшӧр герой.
Степанколӧн
нравственнӧй быдмӧм.
Вӧвалӧн образ.
С.А.Федосеев «Кусӧм
биэз» повестьын комипермяцкӧй деревнялiсь
олан мыччалӧм.

Комбинированнöй урок

1
1

Комбинированнöй урок
Комбинированнöй урок

6
7

11
12
13

Комбинированнöй урок

Лӧсьӧтны висьт «Колхозын виль
олан» да «Кыдз 20-öт векись 20öт воэзӧ аркмис миян колхоз»
темаэз вылӧ.
План сьӧртi лӧсьӧтны Рыжык
йылiсь висьт.
Ордчӧтны айлiсь да зонлiсь
мывкыддэз, оланын нылiсь
моггез.
Исследовательскӧй удж понда
ӧктыны материал. «Гӧрись»
газета листбоккез вылiсь
колхоззэз аркмӧтӧм йылiсь
ӧктыны материал.
Лӧсьӧтны
висьт
комипермяккезлӧн война вылын и
тылын подвиг йылiсь.
Лӧсьӧтны
исследовательскӧй
удж «Победа дорӧмӧ челядьлӧн
пай» тема вылӧ(Пыртны пӧрись
отирлiсь висьтасьӧммез).
Таблица сьӧртi удж.
Сочиненнё «Степанко – вежӧра
да хозяйственнӧй морт».
Сочиненнё «Менам дона
Сырчик» тема вылӧ.
Лӧсьӧтны исследовательскӧй
удж асланыс территория вылын
ӧшӧм деревняэз йылiсь.

Повестьын шӧр геройез:
Ульян, Степан, Митрей
да мӧдiккез.
Повестьын шӧр геройез:
Ульян, Степан, Митрей
да мӧдiккез.
Семьялӧн да деревнялӧн
проблемаэз.
Л. Е. Нилоговлӧн
«Ош
вийиссез» висьтын
отирлӧн войнабӧрся олан.

Комбинированнöй урок

Лӧсьӧтны висьт герой нимсянь.
Тыртны небӧгись таблица.
Исследовательскӧй удж.
Лӧсьӧтны гижись йылiсь
презентация.
Тыртны небӧгись таблица.

В. В. Климов «Дявпу» –
народнӧй поверьё основа
вылын гижӧм висьт.

Комбинированнöй урок

Öгап Онтонлӧн судьба.
1
Дявпу– сылӧн горт.
Л.Старцевалӧн «Дона
1
менам рукописсез», «Вӧлi
бы ме художникӧн»
эссеэзлӧн ассямаыс.

Комбинированнöй урок

Ордчӧтны Македонӧс
(В.Климов.Македон) да Öгап
Онтонӧс (В.Климов.Дявпу).
Лӧсьӧтны юасьӧммез да босьтны
Онтонлiсь интервью.

Комбинированнöй урок

Гижны сочиненнё-эссе.

16
17

Быд геройлӧн образ сьӧртi висьт
дынӧ лӧсьӧтны план.
Гижны сочиненнё «Удж –морт
оланын медколана тор», «Вӧра
крайлӧн гижись», «Семьялӧн да
деревнялӧн проблемаэз» темаэз
вылӧ.

Лирика
21

Л. Никитин. Зорам,
роднӧй литература.
А. Истомина лирикаын
философскӧй виззез.

Комбинированнöй урок

Л. Гуляева поэзияын
любовнӧй лирика.

Комбинированнöй урок

Ордчӧтны Л. Никитинлiсь да А.
Истоминалiсь сонеттэзiсь
кытшшез.
Исследовательскӧй удж «Морт
оланыс – козин или ёрдӧм?» тема
сьӧртi.

Г. Бачева поэзияын
пейзажнӧй лирика.
23

В. Климов поэзияын
гражданскӧй лирика.

Комбинированнöй урок

«Г. Бачева поэзияын вӧр-ва
мыччалӧм понда быдкодь
рӧммез используйтӧм».
В. Климовлӧн чужанiн да чужан
кыв вылӧ дзар

Драма
24

25
26

29
30

Комбинированнöй урок

1
Ф. Истомин «Борда
Кӧин» поэмалӧн сюжет.
Поэмаын историяись
пассэз.
Поэмаись
медшӧр 1
геройез.
1
Коллективизация вылӧ
геройезлӧн неӧткодь
дзарньӧв.

Комбинированнöй урок

С. Можаев «Гажтӧм
говк». Драматурглӧн олан
да творческӧй туй.
С. Можаев «Гажтöм
говк» драмаын конфликт.
Наста да Игнат –
драмаись медшӧр
геройез.
В. Климовлӧн
«Кӧксинва» поэмаын
фольклорнӧй пассэз.

Комбинированнöй урок
Комбинированнöй урок

Лыддьӧтны роллез сьӧртi.
Геройезлӧн портреттэз вылын
удж.
Лӧсьӧтны висьт «Медшӧр
геройезын коми-пермяккезлӧн
медбур чертаэз».
Тыртны таблица.
Докажитны, что кыв сьӧртi
поэмаыс –«жемчужина».
Уджавны критическӧй статьяӧн.
Лӧсьӧтны геройезлӧ
характеристика. Уджавны
таблицаэз лӧсьӧтӧм вылын.
Исследовательскӧй удж
«Литератураын 20-öт векись 30öт воэзся событиеэз мыччалӧм»
тема сьӧртi.
Ордчӧтны роч кыв вылӧ
вуджӧтӧм текст коми-пермяцкӧй
текстӧн.
Уджавны архивнӧй
документтэзӧн.

Внекласснӧй лыддьӧтӧм.

Финно-угорскöй эпос да 1
этнокультурнöй
темаэз
вылö проекттэз дорйöм.

Комбинированнöй урок

Пуляöн орöтöм строка.
1
(И. Гагарин. А. Аникин
да мöдiк гижиссез
творчество сьöртi.)
Оланын быдкодь рöма 1
пассэз.
(Е.
Павлова
«Танька».)

Комбинированнöй урок

Медбöрья воö печатайтöм 1
произведеннёэзöн
тöдсасьöм.

Комбинированнöй урок

Велӧтчан во помын
контрольнӧй удж.

Итлговöй урок

Комбинированнöй урок

Лӧсьӧтны проект
этнокультурнӧй тема вылӧ.
Адззыны гижиссезлiсь, кӧдна эзӧ
бертӧ фронт вылiсь, кывбуррез
военнӧй тема вылӧ.
Лӧсьӧтны исследовательскӧй
удж.
Петкӧтны проблемаэз да темаэз.
Лӧсьӧтны юасьӧммез.
Бӧрйыны медбӧрья воэзӧ петӧм
произведеннёэзiсь буржыккесӧ.
Лӧсьӧтны исследовательскӧй
уджжез.

Мыччавны во сьӧрна босьтӧм
тӧдӧммез.