Программалöн пыртöс
Коми-пермяцкöй литература сьöрті öння программа лöсьöтöм Федеральнöй государственнöй образовательнöй стандарт требованнёэз сьöрті да
основнöй общöй образованнёлöн примернöй программаись литература предмет сьöрті. Коми литература сьöртi уджалан программа 9 класс понда

аркмöтöм коми-пермяцкöй литература программа сьöртi. Авторрез: Т.А.Васькина, Л.А. Косова, М.В. Четина. КГАОУ ДПО «Коми-Пермяцкий
институт усовершенствования учителей». Кудымкар, 2013. Сія юӧртчӧ основнӧй ӧтласа образованнё понда велӧтчиссезлiсь пыр колана кужӧммез
(УУД) зорӧтан программа дынӧ да начальнӧй школаын коми-пермяцкӧй литература велӧтан программа дынӧ – зорӧтӧ одзлань коми-пермяцкӧй
литература да литература теория материал, кӧдӧн велӧтчиссез невна тӧдсасисӧ начальнӧй школаын. 9 класс понда программа сідзжö йитӧм
велӧтчиссезлӧн психологическöй да возрастнöй ассямаӧн. Велöтсьöны произведеннёэз, кöдна вежöртанаöсь велöтчиссез понда содержаннё сьöртi,
асланыс идейно-тематическöй да художественнöй ладорсянь.
Основнӧй ӧтласа образованнёись моггез судзӧтӧмын литература предметлӧн пай
Литература – гуманитарнӧй предметтэз коласісь ӧтiк предмет, кӧда отсалӧ зорӧтны да быдтыны бытшӧм, ыджыт сьӧлӧма рам мортӧс, ассис
чужанін радейтісьӧс да зорӧтісь-дорйисьӧс. Литература мыччалö олансö образнöя, быд ладорсянь, сыкöт тöдсасьöмыс чужтö пыдын думаэз, бур чувствоэз
да стремленнёэз. Кыдз учебнöй предмет сiя лоö вына воспитательнöй средствоöн, отсалö буржыка вежöртны олан, зорöтны челядьын художественнöй
вкус. Литература велöтӧмын сулалöны ыджыт моггез.
Öткö, велöтiкö колö чужтыны велöтчиссезын быдкодь бытшöм, вына чувствоэз. Эстöн бура отсалö выразительнöя, сьöлöмсянь лыддьöтöм,
художественнöй произведеннёэз кыв вылын удж.
Мöдкö, художественнöй произведеннёлiсь идейно-тематическöй содержаннё осьтiкö колö тӧдсӧтны челядьöс ас народкӧт, сы история да
культураӧн, зорöтны велöтчиссезын морт мывкыдiсь медколана чертаэз: горт, родвуж, роднöй му дынö радейтöм; отир дынö, удж дынö бур отношеннё;
мир вылö, олан вылö пыдына да паськыта видзöтöм.
Куимöткö, художественнöй литература велöтiкö колö зорöтны челядьлiсь сёрни, художественнöй вкус, творческöй способносттез, сетны нылö
эстетическöй вежöртас.
Нёльӧткӧ, литература уроккез коста колӧ велӧтны челядьӧс кужны бӧрйыны литературнӧй произведеннё, медбы бытшӧмжыка вежӧртны сійӧ, а
эта понда буржыка тӧдны теоретическӧй вежӧртассэз.
Велӧтан предметлӧн ӧтласа характеристика
/ Общая характеристика учебного предмета/
Коми-пермяцкӧй литература кыдз предмет зэлыта йитӧм коми-пермяцкӧй кыв велӧтӧмкӧт, сёрни зорӧтӧмкӧт. Литература зорӧтӧ рам да юра
мортӧс. Сійӧн произведеннёэз бӧрйӧмӧсь сідз, медбы быд классын вӧлісӧ челядьлӧ вежӧртанаӧсь ны возраст сьӧрті.
Программа сьӧрті быд класс понда материал янсӧтӧм сэтшӧм торрез вылӧ:
Коми-пермяцкӧй художественнӧй литература.
Финно-угорскӧй литератураэзісь произведеннёэз.
Программаын 9 классын 1 час сетöм вводнöй уроккез вылö. Программа пыдына тöдсöтö фольклорöн. Фольклор, мöднёж устнöй народнöй
творчество, отсалö тöдмавны роднöй литературалiсь пондӧтчӧм, паськыта мыччалö отирлiсь история да олан: фольклорнöй произведеннёэз
интереснöйöсь асланыс содержаннё да кыв сьöртi.
Главнöй предметöн, кöда йылiсь программаын мунö басни, лоö художественнöй литература. 9 класс понда программаö пырöны торья
произведеннёэз, гижиссезлӧн дженыт биографияэз нето ныись торрез, литература теория сьöртi вежöртассэз. Произведеннёэз торйöтöмӧсь велöтöм да
гортся лыддьöтöм понда.

9 классын – историко-литературнöй да жанровöй принциппез сьöртi.
Коми-пермяцкöй литература историяись босьтӧмӧсь буржык произведеннёэз, а сiдзжö программаас пыртӧмӧсь мöдiк финно-угорскöй
литератураэзісь мукöд произведеннёэз.
Бöрйöм произведеннёэз тöдсöтöны челядьöс коми отирлöн кöркöся да öння оланöн, отсалöны зорöтны роднöй край дынö интерес да радейтöм, осьтöны
быдкодь темаэз: 9 классын одзжыкся олан, отирлöн удж, челядь кад, роднöй крайлöн вӧр-ва да сы дынö отношеннё, животнöйез йылiсь, мам, семья,
комиэз оланын ассямаыс, челядь понда сатирическöй кывбуррез, 9 класс понда уна произведеннёэз босьтöмӧсь öння кадся литератураись. Литература
уроккез вылын велöтiсь туйдöтö челядьöс адззыны произведеннёын авторскöй позиция, сетны произведеннёлö дон, вежöртны сыись ассямасӧ. Колö,
медбы велöтчиссез кужисö гижӧт (произведеннё) йылiсь бура, сöстöма висьтасьны, медбы лыддьöтöмыс вылӧ нылӧн шыасис сьӧлӧм, аркмис асланыс
дзар.
Велöтiсь сiдзжö мыччалö, что коми-пермяцкöй литература лоö уна национальностя литературалöн колана торӧн.

«Литература» предмет велӧтікӧ результаттэз
Личностнӧй результаттэз:
- велӧтчисьлісь, личностьлісь духовно-нравственнӧй качествоэз зорӧтӧм, уна национальностя чужанін дынӧ да мӧдік отиррез культура дынӧ радейтӧм
зорӧтӧм;
- велӧтчӧмын вильсӧ тӧдікӧ быдкодь источниккезӧн (словаррез, энциклопедияэз, интернет) уджалӧм (используйтӧм).
Метапредметнӧй результаттэз (предметтэз коласся)
- лэбтыны проблема, сувтӧтны гипотеза кужӧм, ассит позиция доказывайтікӧ аргументтэз адззӧм, устнӧй да письменнӧй сёрниын причинно-следственнӧй
йитӧттэз адззӧм, выводдэз керны кужӧм;
- ӧткӧн ассит велӧтчан удж организуйтӧм, сійӧ донтны кужӧм, ассит интерессэзісь кытш адззыны кужӧм (вежӧртны, мый тэныт интересно);
- быдкодь источниккезісь информация адззыны кужӧм, сійӧ анализируйтӧм да используйтӧм.
Предметнӧй результаттэз
Познавательнӧй сфераын:
- коми-пермяцкӧй литератураись да фольклорись, сідзжӧ финно-угорскӧй литератураэзісь произведеннёэзын ключевӧй проблемаэз адззӧм;
- литературнӧй произведеннёэз да кад коласісь, кӧр нія гижӧмӧсь, йитӧттэз адззӧм, произведеннёэзын пырся дон адззӧм, нылісь ӧння шыасьӧм, ӧння
кадкӧт йитны кужӧм;
- литературнӧй произведеннё бӧрйыны кужӧм: литературнӧй род да жанр тӧдӧм, тема да идея адззӧм, произведеннёись нравственнӧй пафос, геройезлісь
характер аддзӧм; ӧтік или кынымкӧ произведеннёись геройезӧс ӧтамӧд сьӧрті – мыйӧн вачкисьӧны, мыйӧн не ӧткодьӧсь – видзӧтӧм (ордчӧтӧм);
- сюжетісь элементтэз, тэчас (композиция), изобразительно-выразительнӧй кыв средствоэз тӧдӧм, произведеннёись идейно-художественнӧй содержаннё
осьтӧмын нылісь роль адззӧм (филологическӧй анализісь элементтэз);
- литературнӧй произведеннё бӧрйикӧ литературнӧй терминнэз пыртны кужӧм.
Ценностно-ориентационнӧй сфераын:
- коми-пермяцкӧй литератураись да культураись духовно-нравственнӧй ценносттез дынӧ интерес зорӧтӧм, мӧдік отиррезлӧн культураэз сьӧрті – мый
ӧтласа, мый неӧткодь – сы вылӧ видзӧтӧм (ордчӧтӧм);
- коми-пермяцкӧй литератураись произведеннёэз дынӧ ассит отношеннё мыччавны (сёрни пырйӧт) кужӧм, нылӧ дон сетны кужӧм;

- велӧтӧм литературнӧй произведеннёэз (мукӧдпырся) асмозӧн (не сідз, кыдз быдӧнныс) дон сетӧм;
- авторлісь позиция вежӧртӧм, аслат отношеннё сы дынӧ.
Коммуникативнӧй сфераын:
- не ӧткодь жанра произведеннёэз кывзікӧ нійӧ вежӧртӧм, ассит чувствоэз мыччалӧмӧн нійӧ лыддьӧтӧм;
- прозаическӧй произведеннёэз или ныись торрез образнӧй кылӧн висьтасьны кужӧм, лыддьӧтӧм текст сьӧрті очакыв видзны кужӧм (ответ сетны кужӧм),
быдкодь устнӧй сёрни (монолог) аркмӧтны кужӧм; кык морт коласын серни нуӧтны кужӧм (диалог);
- велӧтӧм произведеннёэзлӧн тематика да проблематика сьӧрті сочиненнёэз да изложеннёэз гижны кужӧм, классын да гортын творческӧй удж,
литература да ӧтласа культура темаа рефераттэз гижӧм.
Эстетическӧй сфераын:
- литература кыдз кыв искусство вежӧртӧм, литературнӧй произведеннёэз эстетическӧя (сьӧлӧмсянь) примитӧм;
- кывлісь эстетическӧй функция да, художественнӧй образзэз аркмӧтікӧ, сылісь роль вежӧртӧм.
Литература уроккез вылын сёрни зорöтöм сьöртi удж
Литература велöтöм отсалö зорöтны челядьлiсь устнöй да письменнöй сёрни. Сёрни зорöтан уджыс мунö быд урок вылын. Эта понда сетсьöны и
торья чассэз. Медперво колö вынсьöтны сознательнöя да выразительнöя лыддьöтан навыккез. Велöтiсь видзöтö, медбы лыддьöтiкö челядьлöн вöлi ятнöя
шуöм, медбы нiя кужисö янсöтны предложеннёэзын, текстын логическöй удареннёа кыв, керисö паузаэз, лыддьöтiсö колана интонацияöн. Абу умöль
ошкыны быднёж челядьлiсь эмоциональнöя лыддьöтöм – сiя отсалö пыдынжыка вежöртны литературнöй произведеннёлiсь содержаннё.
Литература уроккез оз туй чулöтны словарнöй уджтöг. Осьтны кывлiсь значеннё, мыччавны, кыдз сiя вежсис кад сьöрна, кыдз кужöмöн сiйöн
пользуйтчöны гижиссез – ыджыт да важнöй мог, кöда сулалö быд литература урок одзын. Литература уроккез вылын позьö паськыта тöдсöтны челядьöс
роднöй кывлöн фразеологическöй богатствоöн да быдкодь изобразительнöй средствоэзöн.
Медперво литература велöтiкö велöтчиссезлöн зорамö монологическöй сёрни. Этаö туйдöтö произведеннё текст вылын быдкодь удж: текстсö торрез вылö
янсöтöм, быдкодь планнэз лöсьöтöм, текстлiсь содержаннё висьтасьöм, изобразительнöй средствоэз адззöм и с.о.
Сёрни зорöтöмын отсалö сiдзжö изложеннёэз да сочиненнёэз вылын удж. Нiя öддьöнжыксö чулöтсьöны литературнöй произведеннёэз сьöртi.
Мукöд коста сочиненнёэз понда сетсьöны и свободнöй темаэз. Творческöй уджжез керикö челядь велалöны анализируйтны литературнöй произведеннё,
сетны сылö дон любöй формаын (аннотация, рецензия, отзыв), пользуйтчыны мöдiк литератураöн, компьютерöн (лöсьöтны презентацияэз сетöм тема
сьöртi, исследовательскöй уджжез и с. о.) Вежöртана, что быдöс эта уджын уна зависитö велöтiссянь: сiя тöдö класс да сылiсь возможносттез, ачыс бöрйö
колана материал, асмозöн чулöтö сёрни зорöтан уроккез.
Литература теория сьöртi вежӧртассэз вылын удж
Литература теория сьöртi основнöй вежöртассэз сетсьöны произведеннёэз велöтiкö. Нiя отсалöны вежöртны произведеннёлiсь содержаннё да
художественнöй ладорлiсь ассямасӧ. Программаын висьталöм, кытшöм теоретико-литературнöй вежöртассэз колö сетны быд классын. Мукöд сведеннёэз
классiсь классö повторяйтчöны, сетсьöны паськытжыка да пыдынжыка.
9 классын велöтсьöны то кытшöм сведеннёэз:
- художественнöй литература йылiсь вежöртас;
- произведеннёлöн тема, шӧр дума, автор;

- произведеннёлöн тэчас, сюжет;
- прозаическöй да стихотворнöй сёрни;
- литературнöй герой, художественнöй образ;
- поэтическöй кыв: сравненнё, эпитет, метафора, олицетвореннё, аллегория, ритм, рифма;
- стихотворнöй размер;
- литературалöн роддэз да жанррез: эпос (висьт, басня, очерк, повесть, роман), лирика (кывбур, сонет, ода, сьыланкыв, элегия, поэма), драма (комедия,
трагедия, драма);
- произведеннёлöн основнöй компоненттэз: повествованнё, портрет, пейзаж, интерьер, характеристика, диалог;
- литература кыдз искусство;
- художественнöй литературалöн кыв;
- гижисьлöн кыв йылiсь вежöртас;
- художественнöй перевод йылiсь вежöртас.
Кöр велöтчиссез бура тöдöны да вежöртöны литература сьöртi теория, нiя кужöмöн анализируйтöны быд произведеннё, нылö абу сьöкыт сетны дон
гижисьлöн творчестволö.
Литература да мöдiк предметтэз коласын йитсьöм
Коми-пермяцкöй литература велöтöмыс топыта йитсьö роднöй кыв велöтöмкöт: литература уроккез коста мунö произведеннё кыв вылын ыджыт удж.
Роднöй литература велöтöмын отсалас и роч литература велöтöм, роч литератураись босьтöмöсь быдöс литературоведческöй терминнэз.
Литература уроккез вылын коланаöсь мукöд историческöй да географическöй сведеннёэз – нiйö велöтiсьлö колö кужны адззыны да пыртны уроккезö.
Литература уроккез сьöкыт чулöтны изобразительнöй искусство произведеннёэзтöг, а сiдзжö музыкальнöй произведеннёэзтöг. Энö произведеннёэсö
велöтiсь босьтö сы понда, медбы нiя отсалісӧ буржыка осьтны литературнöй произведеннёлiсь содержаннё.
Гортся лыддьöтöм
Программа тшӧктӧ велöтiсьöс бытшöма туйдӧтны гортся лыддьöтöм дынӧ. Гортся лыддьöтöм да бöрйöм понда сетöмöсь торья произведеннёэз да
чассэз.
Велöтiсьлö колö тöдны, кыдз и мый лыддьöтны челядьлö, йитны гортся лыддьöтöмсö роднöй литература сьöртi внекласснöй уджкöт. Оз ков ордйыны и
виль произведеннёэз, кöдна петöны годiсь годö, но озöна пырö программаö.
Программа сьöртi cетсьö 68 час, вежöм велöтчан план сьöртi 17 час.
Велöтны наизусть.
1. КараваевС. Михаил Лихачёвлö.
2. Баталов В.Я. Югдiкö (тор «Кыдз Тима керис дöмöт»).
3. Истомин Ф.С.Олёна (1 тор).
4. Истомина А.Ю. Сонеттэзiсь кытш (1 кытш).
Сёрни зорӧтан уроккез чулӧтӧм понда темаэз
1. Висьт-презентация «М. Лихачёв кыдз гижись и кыдз морт», « И.Минин – гижись, роднӧй край сьылӧтiсь».
2. Литературно-критическӧй статья сьӧртi тезиссэз.

3. Лӧсьӧтны очерк «Т. Фадеев – Парма му радейтiсь и сьылӧтiсь».
4. Исследовательскӧй удж «Миян округын Т. Фадеев нимӧн йитӧм местаэз», «Кыдз аркмисӧ миян деревняэзлӧн ниммез»,
«А. Истомина
да О. Жданович творчествоын философскӧй темаэз», «Бичирок» журналлӧн олан туй».
5. Проект «Т.Фадеевлӧн челядь понда висьттэзӧн небӧг»,
6. Литературно-критическӧй статья сьӧртi авторкӧт очасёрни.
7. Висьт серпас да художественнӧй произведеннё сьӧртi (ордчӧтны лӧсьӧтӧм план сьӧртi).
8. Бӧрьяна текст лӧсьӧтӧм (Ф. Истоминлiсь «Кӧть горзы, кӧть серав» пьеса велӧтiкӧ «Сэк только мортнас шусьӧ морт, кӧр сылӧн совесть эм и
горт».
Колӧ я велӧтны роднӧй кыв да литература.
Вӧр – миян богатство.
Миян деревняэзын кусӧм биэз.
Зорам, роднӧй литература.
9. Реферат лӧсьӧтӧм.
10. Öтiк «Иньва» журналлӧн обзор.
11. Лыддьӧтӧм небӧг вылӧ рецензия гижӧм.
9 классiсь велöтчиссезлö колö тöдны:
– коми-пермяцкöй литература – финно-угорскöй литературалöн тор;
– гижиссез йылiсь да ны произведеннёэз йылiсь критическöй статьяэзiсь медважнöй моменттэз, статьяэзлiсь авторрезöс;
– произведеннёэзын мыччалöм эпохалiсь ассямасö;
– велöтöм произведеннёэзлiсь сюжет, композициялiсь ассямасö, образзэзлiсь система;
– велöтöм произведеннёэзлöн примеррез вылын типическöй характер йылiсь вежöртас;
– гижисьлiсь аскодя стиль;
– литературалöн оланын общественнöй роль.
9 классын велöтчиссезлö колö кужны:
I
– сетны характеристика велöтöм произведеннёись литературнöй геройлö, ордчöтны геройезöс öтiк и кынымкö произведеннёись;
– тöдмавны кывбурись ассямасö: размер, ритм, рифма, строфа. Мыччавны художественнöй произведеннёлiсь эпохакöт йитсьöм;
– анализируйтны литературнöй произведеннё содержаннё да форма ладорсянь;
– велöтöм произведеннёлö сетны дон литературно-критическöй статьяэз сьöртi;
– тöдмавны сюжетлiсь, композициялiсь, образзэзлiсь система, кывлiсь изобразительно-выразительнöй средствоэз.
II
– выразительнöя лыддьöтны художественнöй произведеннёэз;
– лöсьöтны устнöй да письменнöй висьт понда план;

– гижны велöтöм произведеннё сьöртi или кынымкö произведеннё сьöртi проблемнöй характера сочиненнёэз, индивидуальнöй да групповöй
характеристикаэз, лӧсьӧтны бöрьяна тексттэз;
– лöсьöтны доклад или реферат литературнöй тема вылö;
– гижны рецензия самостоятельнöя лыддьöтöм книга вылö, видзöтöм кинофильм вылö, телепередача вылö, спектакль вылö, серпас да музыка
вылö.
Основнӧй школаись выпускниклӧн модель:
1.Личностнӧй результаттэз:
– Радейтӧ ассис Чужанiн, уна национальностя государство.
– Гордитчӧ Чужанiнлӧн историяӧн, радейтӧ кыв, ас отирлiсь культура, традицияэз, обычайез.
– Лыддисьӧ мӧдiк мортлӧн мненнёкӧт.
– Донтӧ мӧдiк национальностя отирлiсь культура, вера, традицияэз.
– Берегитӧ асгӧгӧрся вӧр - ва.
– Вежӧртӧ общество оланын семьялiсь роль.
– Зорӧтӧ эстетическӧй сознаннё отирлӧн художественнӧй наследие пырйӧт, творческӧй удж пырйӧт.
2.Метапредметнӧй результаттэз:
– Кужӧ самостоятельнӧя сувтӧтны ас велӧтчӧмын моггез.
– Кужӧ адззыны моггез судзӧтӧм понда способбез.
– Кужӧ донтны ассис удж, контролируйтны асьсӧ.
– Лӧсьӧтӧ логическӧй рассужденнё лыддьӧтӧм сьӧртi.
– Планируйтӧ ассис удж.
– Лӧсьӧтӧ устнӧй и письменнӧй монологическӧй сёрни, а сiдзжӧ бытшӧма участвуйтӧ очасёрниын.
3. Предметнӧй результаттэз:
– Вежӧртӧ велӧтӧм произведеннёись медшӧр проблемаэз.
–Вежӧртӧ литературнӧй произведеннёлiсь кадкӧт йитсьӧм.
– Кужӧ бӧрйыны литературнӧй произведеннё: тӧдмавны жанр, петкӧтны тема да шӧр дума, сетны геройезлӧ характеристика, ордчӧтны геройезӧс ӧтiк да
уна произведеннёэзiсь.
– Сетӧ дон лыддьӧтӧм произведеннёлӧ.
– Кужӧ висьтасьны лыддьӧтӧм произведеннёлiсь содержаннё, образнӧй средствоэзӧн.
– Кужӧ гижны изложеннёэз да сочиненнёэз велӧтӧм произведеннёэз сьӧртi.

Календарно-тематическöй планированнё (17 час)
№ п/п

Темаэз

Ч.

Теоретическöй
вопроссэз

Сёрни зортöм

Дата

Пыртас. Художественнöй литература – (17 часов)
1.

Кыдз чужö литература. Кыдз аркмöны
кывбуррез.
Коми-пермяцкöй литератураын туйколассэз да
тшупöттэз.
Михаил Павлович Лихачёв – талантливöй
гижись. Роман «Менам зон».
Стречалун – гажа праздник (гл.1-2, с.12-21).
Гожумся страда. Срокö (гл.3-5,с.21-36). Яран
Гаврил ордын олöм (гл.6-7,с.36-43).
Мый сэтшöм революция? (гл.8,с.44-49).
Медодзза радейтöм (гл.9,с.49-54).
Ефрем(гл.10,с.54-63).
«Быдмöмыт тэ, Мирош, бура
быдмöмыт…»гл.11-12,с.63-69).
«Свобода!..» Гражданскöй война да медодзза
бой (гл.13-15,с.70-77).
Отступленнё (гл.16-18,с.77-85).
Сер посадын чочкоммезлöн порядок (гл.19,с.8593).
Гöрддэзлöн наступленнё (гл.20,с.93-98).
Пантасьöм (гл.20-21,с.98-105).

1

Роман йылiсь понятие

1

Сочиненнё
М.П.Лихачёв роман
сьöртi «Менам зон».

1
А.К.Ермаков «Кин кинöс кöмöтас», «Оланыс ма
кöра». А.Ермаков произведеннёэзлöн кыв.
Л.Косова.
И.А.Минин «Шоныт кеписсез»
И.А.Минин «Вижлок Пронялöн медбöрья ой»
Т.П.Фадеев – профессиональнöй гижись.
Т.П.Фадеев «Медодзза пантасьöм»
В.В.Климов «Покров лунö».
В.В.Климов «Медбöрья туй».
В.Я.Баталов «Югдікö».
1 тор. Налимашорын (1,2,3гл., с.174-190).
Виль местаын(4-8гл., с.191-200).

1
1

Коми-пермяцкöй
литератураын висьт
зоралöм

1

Роман-дилогия.

Висьт-презентация
«И.А.Минин – гижись,
роднöй край сьылöтiсь»

Локтіс тулыс (9-10гл.,с.200-208).
2 тор. Клад (1-13гл.,с.208-217).
3 тор.Виль туй вылö(1-4гл.. с.217-224).
Гражданскöй война(5-9гл..с.225-245).
«Югдікö» роман йылісь.
Ф.С.Истомин «Олёна».
Поэмалöн фольклорнöй основа. Символлэз.
Васильлöн да Олёналöн радейтöм. Басöк
поэтическöй кыв.
А.Ю.Истомина . Сонеттэзiсь «Кытш».

1

1

1

А.Ю.Истомина «Менам гортö – уджын мыдзöм
инька», «Ыбшаррез», «Стиххез менам – чочком
кайез».

Ф.С.Истомин «Кöть горзы, кöть серав».
Пьесаын медшöр конфликт. Пьесаын отир
фамиллёэзлöн роль. Дед Даньколöн образ.
В.В.Климов. Роман «Гублян».
«Гублян» - социально-бытовöй роман. Романын
коми-пермяккезлöн öння олöм (с.345-357).
Вереповлöн образ. Сылöн национальнöй ассяма
мывкыд (с.357-372).
Женскöй образзэз:Дзолинь, Ольга Савыркина
(с.373-387). Дед Котöроклöн шынь-серöма образ
(с.387-399).
Произведеннёлöн ассяма кыв. Авторлöн
позиция. Роман критикаын(399-420).
Публицистика.
Ф.Истоминлöн «Чужöмбанöн чужанiнлань»
очеркын олан вылö дзарньöв. С.Федосеев
«Баитам веськыта».
Литературнöй критика.

1
1

1
1
1

Сонет йылiсь
вежöртас. Сонет –
пыдын содержаннёа
кывбур. Сылöн жанр,
форма, темаэз(мортморт, морт-природа,
морт-олöм-кулöм,
морт-народ).
Кывбуррезлöн
философскöй лирика.
Верлибр, рифматöм
кывбуррез.

М.Н.Ожегова кыдз литературнöй критик.
В.В.Пахорукова И.Мошегов йылiсь.
Н.А.Мальцевалöн В.Климов «Тöн и талун»
сборник вылö дзарньöв. Л.А.Косова
Г.Бачевалöн кывбуррез йылiсь.
Вуджöтöммез.
Вуджöтöмлöн теория. Коми-пермяцкöй кыв
вылö да коми-пермяцкöй кыв вылiсь вуджöтöм
литературалöн история. Финно-угорскöй
литератураэз коласын йитöттэз (Г.В.Бутырёва,
Н.А.Обрезкова).
Теория бöрйöм: реферат, лирическöй
отступленнё, лирическöй кывбурлöн
комплекснöй бöрйöм, семинар.
Семинар «Коми-пермяцкöй литератураын виль
ниммез (авторскöй сборниккез, альманаххез
«Иньва» да «Бичирок»)».
Контрольнöй удж

План сьöртi статья
бöрйöм.

1

Вуджöтöм сьöртi
практикум.

1

«Иньва» или «Бичирок»
журналлэзлiсь обзор.

1

Лирическöй кывбурлöн
комплекснöй бöрйöм.